BILBAO Ría 2000
Sariak eta aintzatespenak
Bilbo Metropolitarraren hiri-berroneratzeak interes handia piztu du hirigintzako eta arkitekturako profesionalen artean. Bilboren eraldaketari buruzko aipamenak ohikoak dira diziplina horietako foro profesionaletan.
Zeregin kolektibo horren barruan, BILBAO Ría 2000ren lanak sari eta aintzatespen garrantzitsuak jaso ditu.
-
2013
![]()
HIRI-ERALDAKETAREN “CAPITAL BILBAO” SARIA
”Capital” aldizkariak “Capital Bilbao” sariak banatu zituen 2013ko otsailaren 12an, Bilbo hiri-eraldaketaren eredutzat hartzeko eta Bilboko eta Bizkaiko enpresen dinamismoa, berrikuntza eta bokazio industriala omentzeko helburuz. BILBAO Ría 2000k jaso zuen Bilbo modernizatzen gehien lagundu duen proiektu edo erakundearen Hiri Eraldaketa Saria.
-
2012
BIZKAIKO KIROL-PRENTSAREN ELKARTEAREN GARAIKURRA, ITSASADARRAREN INGURUNEA LEHENERATZEKO EGINDAKO EKARPENAGATIK
Bizkaiko Kirol Prentsaren Elkarteak Bilboko itsasadarra berreskuratzen lagundu duten erakundeak aintzatesteko ekitaldia antolatu zuen, 2012ko abenduaren 27an egindako Kirolaren Galaren barruan, eta itsasadarra ere “Bilboko kirol-estadio” bihurtu dela nabarmendu zuen. Erakunde hauek jaso zuten garaikurra: Bilbao Bizkaia Ur Partzuergoak, Uraren Euskal Agentzia-Urak eta BILBAO Ría 2000k.
-
2010
![]()
HIRIGINTZA-BIKAINTASUNAREN ISOCARP SARIA
Hirigileen Nazioarteko Elkarteak (ISOCARP) Bikaintasunaren lau sarietako bat eman zion BILBAO Ría 2000ri, “Hiri-plangintza” kategorian, Barakaldoko Urban-Galindo eremuan egindako hiri-berroneratzeko lanagatik. Saria Nairobin (Kenya) eman zioten, ISOCARPen 46. kongresuan, mundu zabaleko 700 ordezkari baino gehiago bertan zirela.
-
2007
BILBAO Ría 2000, 2006KO EUSKAL ENPRESARIK ONENA
BILBAO Ría 2000ri euskal enpresarik onenaren saria eman zioten 2006an, “Mundo Empresarial Europeo” aldizkariaren urteko sarien hamargarren edizioan. Epaimahaiak azpimarratu zuenez, “industria-erabilerakoak izandako lurzoruen berreskuratze urbanistikoari esker, jarduera enblematikoak egin ahal izan dira bertan”. Joan Clos industria-ministroak eman zuen saria.
-
2006
![]()
”AGECU” SARIA HIRIGUNEKO ESKU-HARTZERIK ONENARI
Hiriguneen Gerentziarako Espainiako Elkarteak (AGECU) hiriguneko esku-hartzerik onenaren saria eman zion BILBAO Ria 2000ri, lankidetza publiko-pribatuaren eredu izateagatik eta Bilboko eta bere metropolialdeko hiri-eraldaketa bultzatzeagatik. Sariak Bilbon banatu ziren, ekainaren 22an.
-
2005
![]()
DZ Diseinu Zentroaren SARIA
Bizkaiko Foru Aldundiko Berrikuntza eta Ekonomi Sustapen Sailaren mendeko DZ Diseinu Zentroak izen bereko saria eman zion BILBAO Ría 2000ri, “Diseinuaren alde egindako lanagatik”. DZ Diseinu Zentroak bere 20. urteurreneko ospakizunen barruan eman zuen saria.
![]()
ISOCARP HIRIGILEEN NAZIOARTEKO ELKARTEAREN BIKAINTASUNAREN SARIA
Hona hemen sariaren oinarria: “Hiriaren eta bere metropolialdearen eraldaketari emandako bultzada, erakundeen arteko lankidetzaren eta sormenaren bidez eta hirigintzan eta arkitekturan bikaintasuna bilatuz”. Horren ondorioz, “IsoCaRPk funtsezko erreferentziatzat hartu du BILBAO Ría 2000, Bilbok ekonomia sortzailerako bidean egindako trantsizioan.
![]()
JARDUKETA GLOBALIK ONENAREN “ÉXITOS 2004” SARIA
CÍDICE argitalpen-taldeak emana. Etxebizitzako ministro Mª Antonia Trujillok eman zuen saria, “jarduketa globalik onenaren” kategorian, “degradatutako eremuak berreskuratzeko hirigintza-jarduketagatik” eta “BILBAO Ría 2000n inplikatutako erakunde guztien konpromiso aktiboagatik”.
-
2004
![]()
2004KO EUSKADI TURISMO SARIA
Juan José Ibarretxe lehendakariak eman zion saria BILBAO Ría 2000ri, ”sozietatea osatzen duten eragileen arteko lankidetzagatik, Bilbo gaur egun dena izateko egindako lanagatik eta hiria hobetzen jarraitzeagatik”.
![]()
HIRI- ETA ESKUALDE-PLANGINTZAKO EUROPAKO SARIEN bosgarren edizioa
Hirigileen Kontseilu Europarrak emana.
OAVS (Abandoibarra, Ametzola, hegoaldeko trenbide-saihesbidea) lanari eman zioten saria, tokiko hiri-berroneratzeko planen atalean, ”zeregin konplexu hori burutzeko estrategia apartagatik” eta “gauzatzeko erabili den metodoagatik, eredugarria baita beste eraldaketa-proiektu europar askorentzat”.
![]()
Veneziako Arkitektura Biurtekoa. Cittá d’Acqua atala.
Biurtekoaren epaimahaiaren sari berezia Bilboko itsasadarraren ertzak berroneratzeko “Industria-ertzak eta Hiri-ertzak” proiektuari. Zehazki, “erriberako aurrerapenaren eta errebalorizazioaren artikulazio egokia” nabarmendu zuen epaimahaiak, baita “lanaren fase bakoitzeko helburuen zehaztapen eta betetze egokia” ere, “garai bateko industriguneek kalitate handiko birkalifikazioa ahalbidetu baitute”.
-
2003
![]()
Euskal Herriko Arkitektoen Elkargo Ofizialaren (EHAEO) Arkitektura-sariak
Diseinu-modalitateko saria Bilbo-Abando geltokirako IGNIUX itxiturarentzat, «inolako agresibitaterik gabe, itxitura-funtzioa betetzen duen hiri-irudi egokia emateko eraikuntza-konponbide bikaina delako”.
Hirigintza-modalitateko aipamen berezia Martzanako, Mesedeetako eta Urazurrutiako kaien berrurbanizazioari, “hiri-mailako esku-hartzearen tratamendu egokiagatik”.
Plangintza-modalitateko aipamen berezia Barakaldoko Plan Orokorreko elementuen aldaketari, Urban/Galindo eremuko Galindo Ekialdea guneari dagokionez, “helburuen birformulazio zentzudunagatik, [ ] azken emaitza hiri-kalitate handiko hiri-zati berria izan zedin”.
![]()
Euskal Herriko Arkitekto Hirigileen Elkartearen (EHAHE) saria
Hiri, Hirigintza eta Ekologia Saria Trenbide etorbideari, “Bilboko berrikuntza orokorraren estrategian izan duen garrantzi urbanistikoagatik eta zor historiko bat kitatu duelako”.
-
2002
Metropoli Fundazioaren Saria
BILBAO Ría 2000k egindako hiri-berroneratzeko lanagatik eta CITIES proiektuari egindako ekarpenagatik.
-
1998
Real Estate Higiezinen Sariak
Epaimahaiaren sari berezia, Abandoibarrarako aurreikusitako jarduketagatik.»
