Autonomiako geltokia

Autonomiako geltokia Basurtu aldeko elkargune estrategiko batean kokatuta dago: Trenbidearen etorbidearen (horren azpian daude nasak) eta Autonomia kalearen (Bilboko kale nagusietako bat) arteko elkargunean, hain zuzen.

Bertako bizilagunen eskaerari erantzuteko sartu zen hasierako proiektuan. Geltoki honek, Ametzolakoak bezala, intsonorizazio-sistema berritzailea du, bidaiariek zarataren ondorioz nasetan jasan ohi dituzten eragozpenak leuntzeko.