Basurto – Santimami
Basurtuko Auzo-Etxea
Zankoetako auzo-etxeak Basurto-Zorrotza barrutiari ematen dio zerbitzua, antzinako Desinfekzioen Udal Zentroa izandako eta BILBAO Ría 2000k eraberritutako eraikinean. Balio arkitektoniko handiko eraikina da; haren proiektua 1917an egin zuen Ricardo Bastida arkitektoak. Hori dela eta, fatxada eta jatorrizko beste elementu batzuk zaharberritu dira, hala nola leihoak eta tximinia. Eraikinak ordeztu zuen ekipamendua Luis Briñas kalean egon zen lehenago, Garellanoko antzinako kuarteletan. Eraikinaren ezaugarrietako bat erdiko gorputzaren estalkia da, kolore berde bizikoa eta lego pieza baten forma gogorarazten duena. Horrek irudi bizi eta alaia ematen dio. Nabarmentzekoa da, halaber, barne-erabilerako bide bat dagoela, erdiko eta alboko gorputzen artean. Kale baten itxura du horrek, hiri-altzariak eta lorategiak baititu. Kristalez inguratuta dagoenez, argi naturala sartzen da esparru horretara.
FITXA
- Inaugurazio-data: 2011ko martxoaren 24a
- Beheko solairua: Lorategidun barne-bidea, ekitaldi-aretoa, adinekoentzako jarduera-eremua, komunak, aldagelak, bulegoak, ikasgelak, erabilera anitzeko gelak eta gimnasioa.
- Lehen solairua: Osoko bilkuren aretoa, wifi gela, KZgunea, ikasgelak, erabilera anitzeko gelak, komunak eta artxiboetarako espazioak.
- Jatorrizko eraikinaren fatxada, tximinia eta leihoak zaharberritzea.
- Antzinako Desinfekzioen Zerbitzuko panel eta makinen erakusketa etengabea.
- Desinfekzioen Udal Zerbitzuaren historiari buruzko liburu bat argitaratzea.
Irudi-galeria
